HomeMap EnglishRussian
ԼՈՒՐԵՐ Պաշտոնական լրահոս
ԱԱԽ քարտուղար Արթուր Բաղդասարյանն ընդունել է Հանս Գունար Ադենին

Ազգային անվտանգության խորհրդի քարտուղար Արթուր Բաղդասարյանն այսօր ընդունել է Հայաստանում Շվեդիայի Թագավորության արտակարգ եւ լիազոր դեսպան Հանս Գունար Ադենին:
Քննարկվել են Հայաստան-Շվեդիա երկկողմ համագործակցությանը վերաբերող հարցեր: Արթուր Բաղդասարյանն ընդգծել է հայ-շվեդական համագործակցության զարգացման կարեւորությունը ինչպես երկկողմ ձեւաչափով, այնպես էլ` միջազգային կառույցների շրջանակում:
Անդրադարձել է եղել նաեւ Հայաստանի` միջազգային կառույցների հետ համագործակցության խնդիրներին: Արթուր Բաղդասարյանը կարեւորել է Եվրամիության հետ ասոցացված համաձայնագրի ստորագրումը ՀՀ-ԵՄ հարաբերությունների հետագա խորացման համատեքստում:
Զրուցակիցները մտքեր են փոխանակել տարածաշրջանային խնդիրների, մասնավորապես` հայ-թուրքական հարաբերությունների եւ ԼՂ հիմնախնդրի կարգավորման վերաբերյալ:

17.11.2009          
ԱԱԽ քարտուղար Արթուր Բաղդասարյանն ընդունել է Հանս-Յոխեն Շմիդթին

Ազգային անվտանգության խորհրդի քարտուղար Արթուր Բաղդասարյանն այսօր ընդունել է Հայաստանում Գերմանիայի Դաշնային Հանրապետության նորանշանակ դեսպան Հանս-Յոխեն Շմիդթին:
Քննարկվել են հայ-գերմանական երկկողմ հարաբերություններին վերաբերող հարցեր: Արթուր Բաղդասարյանը բարձր է գնահատել Գերմանիայի ներգրավվածությունը Հայաստանում տարբեր ծրագրերի իրականացման գործում եւ հույս է հայտնել, որ Հանս-Յոխեն Շմիդթը պաշտոնավարման ընթացքում կարեւոր ներդրում կունենա տարբեր ոլորտներում հայ-գերմանական համագործակցության առավել զարգացման գործում:
Անդրադարձել է եղել նաեւ Հայաստանի` միջազգային կառույցների հետ համագործակցության խնդիրներին, մասնավորապես` Հայաստան-Եվրամիություն համագործակցության ծրագրին:
Դեսպանի խնդրանքով Արթուր Բաղդասարյանը ներկայացրել է հայ-թուրքական հարաբերությունների կարգավորման ընթացքը:

16.11.2009          
ԱԱԽ քարտուղար Արթուր Բաղդասարյանն ընդունել է Օննո Հաննթինգին

Ազգային անվտանգության խորհրդի քարտուղար Արթուր Բաղդասարյանն այսօր ընդունել է Նիդերլանդների Թագավորության արտաքին գործերի նախարարության` ՙԱրեւելյան գործընկերության՚ հարցերով հատուկ ներկայացուցիչ Օննո Հաննթինգին եւ Հայաստանում Նիդերլանդների դեսպան Փիթեր Յան Լանգենբերգին:

Զրուցակիցները քննարկել են ՙԱրեւելյան գործընկերության՚ շրջանակում համագործակցության հեռանկարները: Արթուր Բաղդասարյանը նշել է, որ Հայաստանը ձգտում է խորացնել հարաբերությունները Եվրամիության հետ, եւ որ ասոցացված համաձայնագրի ստորագրումը ՀՀ-ԵՄ հարաբերությունների հետագա խորացման լավ հիմք է:

Անդրադարձ է եղել ՀՀ-ԵՄ գործողությունների ծրագրին, Արթուր Բաղդասարյանը հյուրերի խնդրանքով ներկայացրել է Հայաստանում տարբեր ուղղություններով իրականացվող բարեփոխումների ընթացքը: Օննո Հաննթինգը ողջունել է լայնածավալ բարեփոխումների իրականացման ուղղությամբ Հայաստանի գործադրած ջանքերը:

Զրուցակիցներն անդրադարձել են նաեւ հայ-թուրքական հարաբերությունների կարգավորման խնդրին, կարեւորել դիվանագիտական հարաբերությունների հաստատումը երկու երկրների միջեւ եւ սահմանի բացումը տարածաշրջանային խաղաղության եւ կայունության ամրապնդման տեսակետից:

13.11.2009          
Ռազմաարդյունաբերական ոլորտում հայ-բելառուսական համագործակցությունը կզարգանա

Եռօրյա աշխատանքային այցով Հայաստանում է Բելառուսի անվտանգության խորհրդի պետքարտուղարի տեղակալ Ստանիսլավ Զասի գլխավորած պատվիրակությունը: Այսօր կայացել է Ազգային անվտանգության խորհրդի քարտուղար Արթուր Բաղդասարյանի եւ Ստանիսլավ Զասի առանձնազրույցը, որին հետեւել են ընդլայնված կազմով աշխատանքային քննարկումներ:

Կողմերը քննարկել են ՀԱՊԿ շրջանակում համագործակցությանը, ինչպեսեւ Հայաստանի եւ Բելառուսի անվտանգության խորհուրդների միջեւ երկկողմ համագործակցությանը վերաբերող հարցեր:

Արթուր Բաղդասարյանը գոհունակությամբ ընդգծել է, որ համագործակցությունը ՀԱՊԿ շրջանակում ակտիվ զարգանում է, համատեղ ջանքեր են գործադրվում երկկողմ ռազմատեխնիկական համագործակցության ակտիվացման, անվտանգության ոլորտում տեղեկատվության փոխանակման,  իրավապահ մարիմինների, արտակարգ  իրավիճակների նախարարության  կադրերի պատրաստման եւ վերապատրաստման, հատուկ ծառայությունների եւ իրավապահ մարմինների միջեւ համագործակցության  խորացման ուղղությամբ:

Ստանիսլավ Զասը կարեւորել է ՀԱՊԿ շրջանակում առկա ավանդույթը, այն է` նախաձեռնությունները ձեւավորվում են միջետական մակարդակով, ապա կողմերից մեկի միջոցով ներկայացվում են ՀԱՊԿ ձեւաչափով քննարկումների ընթացքում:

Կողմերը նշել են, որ  հայ-բելառուսական համագործակցությունը  բավական արդյունավետ զարգանում է անվտանգության խորհուրդների միջեւ ստորագրված համագործակցության հուշագրի շրջանակում:  Երկու երկրների անվտանգության խորհուրդների քարտուղարների  պայմանավորվածության համաձայն` ակտիվ զարգանում է փոխգործակցությունը Հայաստանի եւ Բելառուսի անվտանգության խորհուրդների միջեւ, ինչպեսեւ գործնական քայլեր են ձեռնարկվում ռազմաարդյունաբերական ոլորտում համագործակցության խորացման ուղղությամբ: Քննարկվել են այս ոլորտում համատեղ ձեռնարկությունների ստեղծման հնարավորությունները, համատեղ ծրագրեր իրականացնելու եւ փոխադարձ աջակցության խնդիրները:

Բրեստում սեպտեմբերին Հայաստանի եւ Բելառուսի անվտանգության խորհուրդների միջեւ ձեռք բերված պայմանավորվածության համաձայն` ՀԱՊԿ անվտանգության խորհուրդների քարտուղարների կոմիտեն որոշում էր ընդունել ՀԱՊԿ շրջանակում մշակել արագ արձագանքման հատուկ ստորաբաժանումների տեխնիկական վերազինման միջպետական նպատակային ծրագիր: Հանդիպման ընթացքում պայմանավորվածություն է ձեռք բերվել որոշումը կենսագործելու ուղղությամբ կոնկրետ քայլեր ձեռնարկել:

Ձեռք բերված պայմանավորվածությունների կատարմանը հետեւելու համար նշանակվել են պատասխանատուներ հայկական եւ բելառուսական կողմերից:

Հյուրերը նշել են, որ հանդիպումները տպավորիչ են եղել նաեւ պաշտպանության եւ էկոնոմիկայի նախարարություններում, եւ որ համագործակցության լայն հնարավորություններ են նախանշվում:

Պատվիրակությունը, որի կազմում են նաեւ  ռազմաարդյունաբերական խոշոր ձեռնարկությունների ղեկավարներ, այցելել է Հայաստանի ռազմաարդյունաբերական ձեռնարկություններ` տեղում ծանոթացել նրանց հնարավորություններին եւ համագործակցության կոնկրետ պայմանավորվածություններ ձեռք բերել:

12.11.2009          
Հայաստանի կրթական համակարգը կհամապատասխանեցվի եւրոպական չափանիշներին

Հայաստանի կրթական համակարգում ՀՀ-ԵՄ համագործակցության ծրագրին համապատասխան լայնածավալ բարեփոխումներ կիրականացվեն:

06.11.2009            ավելին >>  
ԱԱԽ քարտուղար Արթուր Բաղդասարյանն ընդունել է Ռոբերտ Սիմոնսին

Ազգային անվտանգության խորհրդի քարտուղար Արթուր Բաղդասարյանն այսօր ընդունել է Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ռոբերտ Սիմոնսի գլխավորած պատվիրակությանը:

05.11.2009            ավելին >>  
Ազգային անվտանգության խորհրդի քարտուղար Արթուր Բաղդասարյանն ընդունել է Հայաստանում Նիդերլանդների դեսպանին

Ազգային անվտանգության խորհրդի քարտուղար Արթուր Բաղդասարյանն այսօր ընդունել է Հայաստանում Նիդերլանդների Թագավորության նորանշանակ դեսպան Փիթեր Յան Լանգենբերգին:

30.10.2009            ավելին >>  
ՀԱՊԿ շրջանակում ռազմատնտեսական համագործակցությունը կակտիվանա

ՀԱՊԿ շրջանակում նախատեսված միջոցառումների իրականացումը համակարգող միջգերատեսչական հանձնաժողովը այսօր գումարել է հերթական նիստը, որը վարել է Ազգային անվտանգության խորհրդի քարտուղար Արթուր Բաղդասարյանը:

30.10.2009            ավելին >>  
Հայաստանը կարեւորում է Եւրամիության հետ հարաբերությունների ընդլայնումը

Ազգային անվտանգության խորհրդի քարտուղար Արթուր Բաղդասարյանն այսօր ընդունել է Հարավային Կովկասում Եւրոպական Միության հատուկ ներկայացուցիչ Պիտեր Սեմնեբիի գլխավորած պատվիրակությանը:

28.10.2009            ավելին >>  

<<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 >>>